Voleıboldan «Altaı» klýby Azııa chempıonatynyń fınalyna shyqty
NUR-SULTAN. QazAqparat – Óskemenniń «Altaı» áıelder komandasy Semeı qalasynda ótip jatqan Azııa klýbtyq chempıonatynyń fınalyna shyqty, dep habarlaıdy QazAqparat tilshisi.
Ótken jylǵy Azııa klýbtyq chempıonatynyń jeńimpazdary bıyl toptyq kezeńde bes qarsylasynyń bárin de utty.
Serbııalyq maman Marko Grshıchtiń shákirtteri Qazaqstan atynan qatysyp jatqan «Qýanysh» (SQO) klýbyna ǵana bir set berdi – 3:1. Qalǵan komandalardy 3:0 esebimen tize búktirdi.
Búgin óskemendikter basty qarsylastarynyń biri taılandtyq «Diamond Food-Fine Chef Sport Club» komandasyn 3:0 (25:12, 25:20, 26:24) esebimen jeńdi.
Taǵy bir serbııalyq maman Darko Dobreskov jattyqtyratyn «Qýanyshtyń» da fınalǵa shyǵatyndaı múmkindigi bar. Negizgi qarsylasy taılandtyq klýbty 3:1 esebimen qapy qaldyrǵan soltústikqazaqstandyqtarǵa búgin Irannan kelgen «Barij Essence» komandasyn utsa, jetip jatyr.
Júldeli oryndar úshin sheshýshi básekeler 30 sáýir kúni ótedi.
Eske sala keteıik, budan buryn «Altaıdyń» alty dúrkin el chempıony atanǵanyn jazǵan bolatynbyz.
