Voleıboldan Almatyda ótip jatqan XVII «QR Prezıdenti kýbogy" halyqaralyq týrnırindegi alǵashqy kezdesýler 3:0 esebimen aıaqtaldy
; ALMATY. Shildeniń 7-si. QazAqparat /Erlik Erjanuly/ - Keshe Almatyda jalaýyn kótergen voleıboldan erler men áıelder komandalary arasyndaǵy "QR Prezıdenti kýbogy" XVII halyqaralyq týrnırindegi alǵashqy 4 kezdesýde de birdeı esep tirkeldi.
Alańǵa birinshi bop áıelder shyqqan bolatyn. Onda Ýkraına ulttyq quramasy Qytaıdyń "Djıangsý" voleıbol klýbynan 0:3 (15:25, 16:25, 22:25) esebimen utyldy. Odan keıin erler arasynda Qazaqstannyń birinshi jáne ekinshi komandasy ózara kezdesip, bul oıyn da 3:0 (25:11, 25:22, 25:23) esebimen aıaqtaldy. Bul kórsetkish áıelder arasyndaǵy qazaqstandyq eki komandanyń arasyndaǵy saıysta da qaıtalandy (27:25, 25:19, 25:21).
Alǵashqy kúngi oıyndy erler arasynda Týnıs pen Iran quramalarynyń arasyndaǵy kezdesý (20:25, 21:25, 18:25) túıindedi. Búgin áıelder arasyndaǵy Qazaqstannyń 2-shi komandasy qytaılyq qurbylarymen, birinshi komandasy Ýkraına quramasymen oınaıdy. Al erler arasyndaǵy 2-shi komandasy Iran quramasymen kezdesse, Reseıdiń «Lokomotıv-Izýmrýd» komandasy Týnıs quramasymen synǵa túsetin bolady.
