Voleıboldan Álemdik Gran-prı: Horvatııa Avstralııany oısyrata jeńdi

Osylaısha Horvatııa qurama komandasy 6 upaımen týrnır kestesindegi jaǵdaıyn birshama jaqsartty. Endi olardyń 15-17 tamyzda Bolgarııada ótetin fınaldyq týrnırge qatysýǵa múmkindigi joǵarylady. Mamandar bıyl horvattyq komandanyń baby joǵary ekendigin, júldeli oryndardan kórinip qalýy múmkin ekendigin aıtýda. Buǵan deıin horvattyqtar Chehııadan 1:3 esebimen utylyp, qazaqstandyqtardy 3:1 esebimen jeńgen bolatyn. Búgin horvattyqtar jartylaı rezervtik qurammen shyqsa da, avstralııalyqtarǵa birde-bir partııany jeńýge múmkindik bermedi. Jalpy esept 3:0 (25:18, 25:17, 25: 17). Al Avstralııa qurama komandasy Álemdik-Gran-prı oıyndarynyń almatylyq kezeńinde ótkizgen úsh oıynnyń úsheýinde de jeńiliske ushyrady. Búgin keshki saǵat 18.00-de voleıbol alańyna Qazaqstan men Chehııa qurama komandalary shyǵady. Eger qyzdarymyz chehııalyqtardy kem degende 3:1 esebimen jeńer bosla, onda týrnır kestesinde birinshi orynǵa shyǵýǵa múmkindikteri bar.