Voleıboldan álem chempıonatynda Qazaqstan quramasy 23-shi orynǵa turaqtady
ASTANA. QazAqparat – Qazaqstan quramasynyń qatysýymen ótken voleıboldan áıelder arasyndaǵy álem chempıonatynda jeńimpaz anyqtaldy, dep habarlaıdy QazAqparat tilshisi.
Fınalda Serbııa quramasy Brazılııadan 3:0 esebimen basym tústi. Al úshinshi oryn úshin saıysta Italııa AQSh-ty dál sondaı eseppen tize búktirdi.
Dúbirli doda Nıderland jáne Polsha memleketterinde 23 qyrkúıek pen 15 qazan aralyǵynda ótkizildi. Onda barlyǵy 24 qurama qatysyp, tórt topta baq synady.
Qazaqstandyq voleıbolshylar S tobynda synǵa tústi. Toptyq kezeńde AQSh, Serbııa, Germanııa, Bolgarııa jáne Kanada quramalarymen synǵa túsip, olardyń barlyǵyna ese jiberdi.
Osylaısha jalpy komandalyq esepte 23-orynǵa turaqtady.
Qazaqstandyq voleıbolshylar álem chempıonaty fınaldyq satysynda besinshi márte baq synady. Budan buryn jalpy komandalyq esepte 2018 jyly – 17, 2010 jyly – 21, 2014 jyly – 15, 2018 jyly – 24-orynǵa jaıǵasqan bolatyn.
