Voleıboldan álem chempıonaty: Qazaqstan quramasynyń qarsylasy kimder
NUR-SULTAN. QazAqparat - Qazaqstannyń qatysýymen ótetin voleıboldan áıelder arasyndaǵy álem chempıonatynyń fınal satysynyń jerebesi tartyldy, dep habarlaıdy QazAqparat tilshisi.
Álem chempıonaty 23 qyrkúıek pen 15 qazan aralyǵynda Nıderlandy men Polshada ótkiziledi. Oǵan barlyǵy 24 qurama qatysady.
Qazaqstan quramasy S tobynda synǵa túsedi. Qarsylastary - AQSh, Serbııa, Germanııa, Bolgarııa, Kanada.
Aıta ketsek, AQSh quramasy 2020 jylǵy Tokıo Olımpıadasynda chempıon atandy, FIVB jarııalaǵan álemdik reıtıngte birinshi orynda tur.
Al Serbııa 2018 jylǵy álem chempıonatynda altynnan alqa taqty.
A tobynda Nıderlandy (uıymdastyrýshy memleket), Italııa, Belgııa, Pýerto-Rıko, Kamerýn jáne Kenııa, V tobynda Polshı (uıymdastyrýshy memleket), Túrkııa, Domınıkan Respýblıkasy, Ońtústik Koreıa, Taıland jáne Horvatııa, D tobynda Brazılııa, Qytaı, Japonııa, Kolýmbııa, Argentına jáne Chehııa quramalary bar.
Eske salsaq, Qazaqstanda voleıboldan klýbtyq Azııa chempıonaty ótedi.
