Voleıboldan álem chempıonaty: Qazaqstan quramasy Kanadaǵa ese jiberdi
ASTANA. QazAqparat – Qazaqstan quramasy voleıboldan áıelder arasyndaǵy álem chempıonatynda úshinshi kezdesýin ótkizdi, dep habarlaıdy QazAqparat tilshisi.
Qazaqstandyq voleıbolshylar S tobynda synǵa túsýde. Qarsylastary – AQSh, Serbııa, Germanııa, Bolgarııa jáne Kanada.
Búgingi oıynda qazaqstandyqtar qarsylasyna 0:3 esebimen ese jiberdi. Úsh settegi nátıjeler: 14:25, 16:25, 11:25.
Qazirge deıin qazaqstandyq voleıbolshylar AQSh pen Germanııaǵa ese jiberdi.
Endi el quramasy 30 qyrkúıekte Serbııamen sheberlik baıqasady.
Dúbirli doda Nıderland jáne Polsha memleketterinde 23 qyrkúıek pen 15 qazan aralyǵynda ótkiziledi. Onda barlyǵy 24 qurama qatysyp, tórt topta baq synaıdy.
Foto: coed.com
