Voleıboldan álem chempıonaty: Qazaqstan quramasy búgin AQSh-pen kezdesedi
ASTANA. QazAqparat - Búgin Qazaqstan quramasy voleıboldan áıelder arasyndaǵy álem chempıonatyndaǵy alǵashqy kezdesýin AQSh-qa qarsy ótkizedi, dep habarlaıdy QazAqparat tilshisi.
Atalǵan kezdesý elorda ýaqytymen 23.20-da bastalyp, «Qazsport» telearnasynan tikeleı efırde kórsetiledi.
Dúbirli doda Nıderlandy jáne Polsha memleketterinde 23 qyrkúıek pen 15 qazan aralyǵynda ótkiziledi. Onda barlyǵy 24 qurama qatysyp, tórt topta baq synaıdy.
Qazaqstandyq voleıbolshylar S tobynda synǵa túsedi. Qarsylastary - AQSh, Serbııa, Germanııa, Bolgarııa, jáne Kanada.
Ulttyq qurama búgingi jáne 26 qyrkúıekte Germanııamen kezdesýin Nıderlandynyń Aarnem qalasynda ótkizedi.
Odan keıin Polshanyń Lodz qalasynda 29 qyrkúıekte Kanada, 30 qyrkúıekte Serbııa, 1 qazanda Bolgarııamen sheberlik baıqasady.
Qalǵan quramalardyń ózge toptarǵa bólinýi tómendegishe:
A toby: Nıderlandy, Italııa, Belgııa, Pýerto-Rıko, Kamerýn, Kenııa
V toby: Polsha, Túrkııa, Domınıkan Respýblıkasy, Ońtústik Koreıa, Taıland, Horvatııa
D toby: Brazılııa, Qytaı, Japonııa, Kolýmbııa, Argentına, Chehııa.
Alǵashqy oıyn kúninde 23 qyrkúıekte A tobynda Nıderlandy Kenııany 3:0, Polsha Horvatııany 3:1 esebimen tize búktirdi.
Qazaqstandyq voleıbolshylar álem chempıonaty fınaldyq satysynda besinshi márte baq synap otyr. Budan buryn jalpy komandalyq esepte 2018 jyly - 17, 2010 jyly - 21, 2014 jyly - 15, 2018 jyly - 24-orynǵa jaıǵasty.
Eske salsaq, budan buryn fýtboldan Qazaqstan quramasy UEFA Ulttar lıgasynyń V tobyna joldama aldy.
Foto: coed.com
