Voleıboldan álem chempıonaty: Qazaqstan quramasy AQSh-tan jeńilip qaldy
ASTANA. QazAqparat – Qazaqstan quramasy voleıboldan áıelder arasyndaǵy álem chempıonatynda alǵashqy kezdesýin ótkizdi, dep habarlaıdy QazAqparat tilshisi.
Alǵashqy kezdesýinde qazaqstandyq voleıbolshylar AQSh quramasymen sheberlik baıqasty. Alǵashqy sette olar qarsylasyna 16:25 esebimen jol berse, ekinshi sette taǵy da 13:25 esebimen jol berdi. Sheshýshi úshinshi sette de 12:25 esebimen jeńilistiń aşy dámin tatty.
Osylaısha el quramasy qarsylasyna 0:3 esebimen jeńildi.
Qazaqstandyq voleıbolshylar S tobynda synǵa túsetini belgili. Qarsylastary – AQSh, Serbııa, Germanııa, Bolgarııa jáne Kanada.
Ulttyq qurama endi 26 qyrkúıekte Germanııamen kezdesedi.
Qazaqstandyq voleıbolshylar álem chempıonaty fınaldyq satysynda besinshi márte baq synap otyr. Budan buryn jalpy komandalyq esepte 2018 jyly – 17, 2010 jyly – 21, 2014 jyly – 15, 2018 jyly – 24-orynǵa jaıǵasqan bolatyn.
Dúbirli doda Nıderland jáne Polsha memleketterinde 23 qyrkúıek pen 15 qazan aralyǵynda ótkiziledi. Onda barlyǵy 24 qurama qatysyp, tórt topta baq synaıdy.
