Voleıboldan ÁCh: «Jetisý» alǵashqy upaıyna qol jetkizdi

ASTANA. KAZINFORM — Brazılııanyń San-Paýlý qalasynda voleıboldan áıelder komandalary arasynda klýbtyq álem chempıonatynyń toptyq básekesi aıaqtaldy.

Taldyqorǵandyq «Jetisý» óz tobynda sońǵy kezdesýin «Ozaský San-Krıstovan» (Brazılııa) klýbymen ótkizdi.

Bul matchtyń qos komanda úshin de mańyzy zor bolatyn. Taldyqorǵandyqtar iri eseppen jeńiske jetken jaǵdaıda jartylaı fınalǵa joldama alýy múmkin edi.

Zal toly jankúıerlerdiń qoldaýyna súıengen alań ıeleri birinshi partııada 25:17 esebimen basymdylyq tanytty. Budan keıin serbııalyq maman Marko Grshıchtiń shákirtteri tarazy basyn ózderine aýdardy — 25:23, 25:21. Tórtinshi partııada brazılııalyq klýb tarazy basyn teńestirdi — 25:18.

Sheshýshi, besinshi sette qazaqstandyq komanda 11:9 esebimen alda turdy. Sodan soń tórt matchbolyn múlt jiberdi. Aqyry jeńis brazılııalyqtardyń enshisinde ketti — 19:17. Qorytyndy esep — 3:2. «Jetisýǵa» bir upaı jazyldy.

Osylaısha, A tobynan ıtalııalyq «Savıno Del Bene» men brazılııalyq «Ozaský San-Krıstovan» klýby jartylaı fınalǵa shyqty.

«Jetisý» bir ǵana upaımen sońǵy orynda qaldy. Komanda quramynda Krıstına Anıkonova (kapıtan), Valerııa ıAkýtına, Krıstına Belova, Perızat Nurbergenova, Mádına Beket (lıbero), ýkraınalyq baılanystyrýshy Darıa Shargorodskaıa, reseılik Marııa Frolova óner kórsetti.

Arasynda osy klýbtyq álem chempıonaty aldynda komandaǵa alynǵan qytaılyq Mıao Iven jáne basqa oıynshylar qosylyp otyrdy.

Eske sala keteıik, budan buryn voleıboldan álem chempıonatynda «Jetisý» ekinshi kezdesýinde qalaı oınaǵanyn jazǵan edik.