Voleıboldan ÁCh: Qazaqstan jastar quramasy Frantsııaǵa jol berdi

ASTANA. KAZINFORM — Qytaıdyń Tszıanmen qalasynda voleıboldan 21 jasqa deıingiler arasynda ótip jatqan HHІІІ álem chempıonatynda Qazaqstan quramasy 1/8 fınalda Frantsııamen sheberlik baıqasty. 

Óz tobynan pleı-off kezeńine joldama alǵan qazaqstandyqtar bul joly frantsııalyqtarǵa qaýqar tanyta almady. Frantsııa komandasy 3:0 (25:15, 25:18, 25:18) esebimen jeńiske jetti.

Osylaısha, Sergeı Trıkoz jattyqtyratyn Qazaqstan jastar quramasy shırek fınaldan tys qaldy. 

Álem chempıonatyna alǵash ret qatysqanyna qaramastan, qazaqstandyq jastardyń úzdik 16 komandanyń qataryna iligýiniń ózi – tarıhı nátıje.

Dúnıejúzilik doda barysynda Qazaqstan quramasy sapynda Asylhan Іzbergenuly (komanda kapıtany), Klım Rıýhov, Ádiljan Baltabaev, Vladıslav Mastıhın sııaqty voleıbolshylar sheber oıynymen kózge túse bildi.

Eske sala keteıik, budan buryn voleıboldan álem chempıonatynda Qazaqstan jastar quramasynyń Koreıany jeńip, pleı-off kezeńine joldama alǵanyn jazǵan edik.