Voleıboldan ÁCh: Qazaqstan jastar quramasy asa tartysty matchta Bolgarııaǵa ese jiberdi

ASTANA. KAZINFORM — Qytaıdyń Tszıanmen qalasynda voleıboldan 21 jasqa deıingiler arasynda ótip jatqan HHІІІ álem chempıonatynda Qazaqstan quramasy Bolgarııamen alańǵa shyqty.

Қазақстан жастар құрамасы аса тартысты матчта Болгарияға есе жіберді
Фото: Қазақстан волейбол федерациясы

Pleı-off básekesinde ótken jylǵy Eýropa chempıony Frantsııadan utylǵannan keıin Sergeı Trıkoz baptaıtyn qazaqstandyq jastar 9-16 oryndar úshin talasatyn bolǵan edi.

Bolgarııa da osal emes, ótken jyly Eýropa birinshiliginiń fınalyna deıin jetip, Frantsııaǵa jol bergen.

Bolgarııalyqtar alǵashqy eki partııada basymdyq tanytty – 25:19, 25:19. Budan keıin qazaqstandyq jastar tarazy basyn teńestirdi – 25:21, 25:23. Degenmen sheshýshi, besinshi partııa Bolgarııanyń enshisinde ketti – 15:9.

Qorytyndy esep – 3:2, Bolgarııanyń paıdasynda.

Qazaqstan jastar quramasy senbi kúni taǵy bir kezdesýin ótkizedi.

Eske sala keteıik, budan buryn voleıboldan álem chempıonatynda Qazaqstan jastar quramasy Frantsııaǵa jol bergenin jazǵan edik.

 

Сейчас читают