Voleıboldan 2015 jylǵy Eýropa chempıonatyn qabyldaıtyn elder belgili boldy
ASTANA. 18 qarasha. QazAqparat - Bolgarııa men Italııa resmı túrde 2015 jylǵy voleıboldan Eýropa chempıonatynyń qabyldaýshylary atandy.
Bul týraly búgin Eýropalyq voleıbol konfederatsııasynan málim etti.
Osylaısha, Bolgarııa men Italııa beldi týrnırdi óz alańynda qabyldaýda Fınlıandııa men Estonııany basyp ozdy. Chempıonat Bolgarııanyń Sofııa, Plovdıv jáne Varna qalalarynda, Italııanyń - Katanııa jáne Messına qalalarynda ótedi. Eýropalyq birinshiliktiń fınaly Sofııada ótpek.
Aıta keteıik, voleıboldan áıelder arasyndaǵy Eýropa chempıonaty 2015 jyly Nıderlandy men Belgııada ótedi.
