Voleıboldan 17 jasqa deıingi bozbalalar arasyndaǵy Azııa chempıonatynda qazaqstandyqtar júldeli oryndardan tys qaldy
ALMATY. 27 qazan. QazAqparat - Búgin Irannyń Tegeran qalasynda voleıboldan 17 jasqa deıingi jasóspirimder arasynda ІH Azııa chempıonatynyń 1/8 fınaldyq oıyndary bastaldy.
Onda óz tobynda 1-2 oryn alǵandardan Ońtústik Koreıa men Shrı-Lanka, Iran men Taıpeı, Qytaı men Úndistan, Japonııa men Taıland shırek fınaldyq joldamany sarapqa salady. Al toptyq synda Qytaı men Taıland quramalaryna 0:3 esebimen ese jibergen Grıgorıı Neklıýdov jattyqtyratyn qazaqstandyqtar júldeli oryndardan syrt qaldy. «V» tobynda úshinshi orynǵa taban tiregen olar endi 9-11 oryn úshin búgin «D» tobynda sońǵy oryn alǵan Túrkimenstan voleıbolshylarymen kezdesedi. Eger bul synda basym tússe 31 qazanda «S» tobynda úshinshi oryn alǵan Avstralııa quramasymen 9-orynǵa talasady. Al jarys jeńimpazdary men júldegerleri 1 qarasha kúngi aqtyq saıysta ǵana belgili bolady.
