Voleıboldan 17 jasqa deıingi bozbalalar arasynda Azııa chempıonatyn qazaqstandyqtar sátsiz bastady
ALMATY. 25 qazan. QazAqparat - Keshe Irannyń Tegeran qalasynda voleıboldan 17 jasqa deıingi jasóspirimder arasynda ІH Azııa chempıonaty bastaldy. Onda «V», «S», «D» toptaryndaǵy komandalardyń alǵashqy 3 oıyny da 3:0 esebimen aıaqtaldy. Atap aıtqanda, qazaqstandyqtar taılandtyqtarǵa, avstralııalyqtar ońtústik koreıalyqtarǵa, túrkimenstandyqtar úndistandyqtarǵa ese jiberdi.
Búgin endi «A» tobynan Iran men Shrı-Lanka, «V» tobynan Qazaqstan men Qytaı, «S» tobynan Taıpeı men Ońtústik Koreıa,«D» tobynanJaponııa men Úndistan quramalarynyń kezdesýleri ótýde. Al erteń Taıland pen Qytaı, Avstralııa men Taıpeı, Túrkimenstan men Japonııa sportshylary toptyq kezeńdegi sońǵy oıyndaryn ótkizedi. Onda óz tobynda 1-2 oryn alǵandar 27-28 kúnderi, 1/8 fınaldyq oıynda 1-8 orynǵa, 3 oryn alǵandar 9-13 orynǵa talasady. Odan keıin 30-y shırek, 31-i jartylaı, al 1 qarashada aqtyq saıystar bolady.
