Voleıbol:
ALMATY. 16 aqpan. QazAqparat /Erlik Erjanuly/ - Búgin Almatydaǵy «Temir dos» sport kesheninde voleıboldan Ulttyq lıgadaǵy erler komandalary arasynda HІH Qazaqstan chempıonatynyń 3-týryndaǵy aqtyq oıyndary ótti.
Alǵashqy 2 týrda qarsylas shaq keltirmegen Almaty oblysynyń "Jetisý" komandasy bul joly Óskemenniń "Shyǵys-QorǵasynQurlysymen" bolǵan oıynda ǵana 1 upaı joǵaltty. Soǵan qaramastan múmkin bolǵan 10 upaıdyń 9-yna ıe bolǵan olar týrnır kestesindegi birinshi orynyn saqtap qaldy. Temirtaýdyń "TNK Qazhromy" (25 upaı) men Óskemenniń "Shyǵys-QorǵasynQurylysy" (24 upaı) úzdik úshtiktegi oryndaryn saqtap qaldy. Al Qyzyljardyń "Esilinde" - 20, Oraldyń "Kondensatynda" - 19, "Atyraýda"(Atyraý) - 18 upaı bar. El chempıonatynyń kelesi týry endi 8-13 naýryz kúnderi Oralda ótedi.
