Voleıbol: júldeli orynnan úmitker «Qýanysh» klýby «Turannan» aılasyn asyrdy
ASTANA. KAZINFORM — Petropavl qalasynda voleıboldan áıelderdiń ulttyq lıga komandalary arasynda Qazaqstan chempıonatynyń tórtinshi úlken týry jalǵasyn tapty.Jeksenbi kúni ortalyq matchta alań ıeleri — ıÝrıı Panchenko jattyqtyratyn «Qýanysh» klýby Túrkistannyń «Turanyna» qarsy keldi.
Budan buryn «Berelden» (Óskemen) utylyp qalǵan soltústikqazaqstandyqtar osy joly qınala qoıǵan joq — 3:0 (25:16, 25:12, 25:17).
Kósh basyndaǵy «Jetisý» (Taldyqorǵan) aqtóbelikterden aılasyn asyrdy — 3:0 (25:8, 25:20, 25:16).
Óskemendik qyzdar «Astanany» qapy qaldyrdy — 3:0 (25:9, 25:21, 25:16).
«Qaraǵandy» komandasy «Almatyny» jeńdi — 3:1 (25:17, 20:25, 25:22, 25:18).
Osylaısha, taldyqorǵandyqtar 79 upaımen burynǵysha birinshi orynda keledi. «Qýanysh» 69 upaımen ekinshi, «Berel» (61 upaı) úshinshi, «Turan» (42 upaı) tórtinshi satyda tur.
Dúısenbi kúni komandalar Petropavlda sońǵy oıyndaryn ótkizedi. Sodan keıin pleı-off básekeleri ǵana qalady.
Eske sala keteıik, budan buryn «Qýanysh» klýbynyń óz alańynda «Berelden» utylyp qalǵanyn jazǵan bolatynbyz.
Sondaı-aq «Jetisýdyń» Azııa chempıondar lıgasyndaǵy alǵashqy qarsylasy belgili boldy.
