Voleıbol: Joǵary lıganyń B tobyndaǵy erler komandalarynyń aqtyq týryna astanalyqtar qatysa almady
ALMATY. 15 sáýir. QazAqparat /Erlik Erjanuly/ - Tarazda keshe voleıboldan Joǵarǵy lıganyń B tobyndaǵy erler komandalary arasynda HІH Qazaqstan chempıonatynyń 5-týry bastaldy.
Naýryzdyń 15-21 kúnderi Temirtaýda ótken 4-týrdyń qorytyndysy boıynsha 9 upaımen týrnır kestesinde eń sońǵy orynǵa turaqtaǵan "Astana" komandasy qarjylyq qolaısyzdyqtarǵa baılanysty qatysa almady. Sol sebepti komandanyń aqtyq týrdaǵy barlyq kezdesýine endi 0:3 esebimen jeńilis jazylady. Qazir el chempıonatynda Shyǵys Qazaqstan oblysynyń qos komandasy kósh bastap kele jatyr. Týrnır kestesine kóz júgirtsek "Semeı" - 74, "Shyǵys-QorǵasynQurylys" (Óskemen) - 63, "Taraz-TarMÝ" - 61, "TNK Qazhrom-2" (Hromtaý) - 47, "Qorqyt-Ata QMÝ" (Qyzylorda) - 36, "VSMK- Arselormıttal» ( Temirtaý) - 35, «KınEÝ» (Qostanaı) - 11 upaı jınaǵan bolatyn. Keshe óskemendikter qostanaılyqtardy, tarazdyqtar terimtaýlyqtardy 3:0, al hromtaýlyqtar qyzylordalyq qurdastaryn 3:1 esebimen utyp qorjyndaryna alǵashqy upaılaryn saldy.
