Voleıbol: joǵary lıga komandalary arasynda «Qýanysh» kósh bastap keledi
ORAL. QazAqparat - Voleıboldan áıelderdiń joǵary lıga komandalary arasynda el birinshiliginde eki týrdan keıin Soltústik Qazaqstan oblysynyń «Qýanyshy» jekedara kósh bastap keledi, dep habarlaıdy QazAqparat tilshisi.
Táýelsizdiktiń 25 jyldyǵyna oraı Oralda ótken ekinshi týrda da soltústikkazaqstandyqtar barlyq qarsylasyn aıqyn basymdylyqpen utty. Sóıtip jeńispen aıaqtalǵan segiz oıynnan keıin «Qýanyshtyń» esebinde 24 upaı bar. «Qostanaı» komandasy 18 upaımen ekinshi orynǵa ornyqsa, Oraldyń «Gratsııa-KZ klýby úshinshi satyda (11 upaı) keledi. Oraldyqtar óz alańynda kósh sońyndaǵy «Oqýshylar saraıy» men «Qazyǵurt» komandalaryn utqanymen, soltústikqazaqstandyqtar men qostanaılyqtarǵa pálendeı qarsylyq kórsete almady.
«Alda áli úsh týr bar. Kelesi týr oıyndary Petropavl qalasynda ótedi», dedi QazAqparat tilshisine áıelder voleıbolynan BQO quramasynyń aǵa bapkeri Kóleńke Ǵubashev.
