Voleıbol: Joǵarǵy lıganyń A tobyndaǵy erler komandalarynyń kóshbasshylary 5-týrdy sátti bastady
ALMATY. 14 sáýir. QazAqparat /Erlik Erjanuly/ - Oralda voleıboldan Joǵarǵy lıganyń A tobyndaǵy erler komandalary arasynda HІH Qazaqstan chempıonatynyń aqtyq týry ótip jatyr. Jarystyń alǵashqy kúni týrnır kestesindegi alǵashqy tórttik óz jeńisterin toılady.
5-týrdyń ekinshi kezdesýleri búgin Almaty men Qyzyljar, Atyraý men Pavlodar jáne taǵy bir almatylyq "QazUAÝ" men Astana, Shymkent pen Oral qalalarynyń voleıbolshylary arasynda ótpek. Birinshi kezdesýde "Ushqyn-Iskra" men "Atyraý-2", "OQMÝ-Qazyǵurt" pen "TsSKA-Almaty" arasyndaǵy oıyn 3:0,"Ertis -AO AQ" men "Esil-Vıktorııa" saıysy 3:2, al "Jaıyq-Kondensat" pen "QazUAÝ" arasyndaǵy syn 3:1 esebimen aıaqtalǵan bolatyn.
