Voleıbol: «Jetisý» óz alańynda «Býrevestnıkten» utylyp qaldy

TALDYQORǴAN. KAZINFORM — Taldyqorǵanda voleıboldan erlerdiń ulttyq lıga komandalary arasynda ótip jatqan Qazaqstan chempıonatynyń úshinshi týrynda jergilikti «Jetisý» Almatynyń «Býrevestnıgimen» sheberlik baıqasty.

Osyǵan deıin óz alańynda ótken jylǵy el chempıony «Taraz» ben kúmis júldeger «Pavlodardy» 3:2 esebimen tize búktirgen Marat Adryshevtiń shákirtteri almatylyqtarmen oıynda ese jiberemiz dep oılamaǵan shyǵar.

Alaıda Igor Nıkolchenko jattyqtyratyn almatylyqtar 3:1 (25:19, 25:23, 22:25, 25:21) esebimen jeńip ketti. 

«Jetisý» 28 upaımen úshinshi satyda qalǵanymen, «Býrevestnık» (27 upaı) oǵan jaqyndaı tústi.

Al pavlodarlyqtar «Tarazdan» 3:0 (25:19, 25:23, 25:18) esebimen basym túsip, 26 upaımen besinshi oryndy nyq ustap tur.

Komandalar juma kúni demalyp, senbide básekeni jalǵastyrady.

Eske sala keteıik, budan buryn «Aqtóbeniń» tartysty matchta «Atyraýdy» utqanyn jazǵan bolatynbyz.

Sondaı-aq «Atyraýdy» jeńgen «Jaıyq» upaı sanyn 40-qa jetkizdi.