Voleıbol: «Jetisý» klýby «Aqtóbeni» kambekpen jeńdi

ATYRAÝ. KAZINFORM — Atyraý qalasynda voleıboldan erlerdiń ulttyq lıga komandalary arasynda HHHIV Qazaqstan chempıonatynyń ekinshi týrynda «Jetisý» klýby (Taldyqorǵan) kóshbasshylyq ornyn saqtap qaldy.

Osyǵan deıin Marat Adryshevtiń shákirtteri 33 upaımen birinshi orynda tursa, olardy «Aqtóbe» komandasy (bas bapkeri Sergeı Trıkoz) ókshelep kele jatqan edi.

Eger bul oıynda aqtóbelikter jeńse, týrnır kestesinde kósh bastaıtyn edi. Bastapqy eki partııa «Aqtóbeniń» enshisine jazyldy – 25:16, 25:17. Degenmen budan keıin taldyqorǵandyqtar kambek jasaı aldy – 27:25, 25:18, 15:13. Qorytyndy esep – 3:2, «Jetisýdyń» paıdasynda. 

Osylaısha, «Jetisý» upaı sanyn 35-ke jetkizip, kósh basynda qaldy. «Aqtóbe» 33 upaımen ázirge ekinshi satyda.

El chempıony «Jaıyq» (Oral) úzdik úshtikti túıindep tur.

Eske sala keteıik, budan buryn voleıboldan «Atyraý» klýbynyń «Jetisýdy» toqtata almaǵanyn jazǵan bolatynbyz.

«Jaıyq» klýby kósh basyndaǵy «Jetisýdy» utty.