Voleıbol: «Jetisý» qatarynan 12 matchta jeńiske qol jetkizdi

ASTANA. KAZINFORM – Taldyqorǵan qalasynda voleıboldan áıelderdiń ulttyq lıga komandalary arasynda ótip jatqan Qazaqstan chempıonatynyń tórtinshi týrynda «Jetisý» kezekti jeńisine qol jetkizdi.

Serbııalyq maman Marko Grshıchtiń shákirtteri bul joly «Aqtóbeden» aılasyn asyrdy – 3:0 (25:20, 25:16, 25:11).

Osylaısha, qatarynan 12 matchta qarsylastaryn utqan taldyqorǵandyqtar 64 upaımen týrnır kestesinde jeke-dara kósh bastap keledi.

Bul kúni sondaı-aq ekinshi oryndaǵy «Berel» (Óskemen) kósh sońyndaǵy Pavlodardyń «Ertisin» ońaı jeńdi – 3:0 (25:17, 25:11, 25:21).

«Almaty» komandasy «Arý-Astanadan» 3:1 (25:12, 21:25, 28:26, 25:13) esebimen basym tústi.

Juma kúni «Gratsııa KZ» - «Almaty», «Qýanysh» - «Aqtóbe», «Ertis» - «Arý-Astana», «Berel» - «Turan», «Jetisý» - «Qaraǵandy» komandalary ózara myqtyny anyqtaıdy. 

Eske sala keteıik, budan buryn «Qýanysh» komandasynyń el chempıony «Turandy» jeńgenin jazǵan edik.