Voleıbol: «Jetisý» kambek jasap, «Pavlodardy» utty
TALDYQORǴAN. KAZINFORM – «Jetisý» klýby Taldyqorǵan qalasynda voleıboldan erlerdiń ulttyq lıga komandalary arasynda ótip jatqan Qazaqstan chempıonatynyń úshinshi týryn sátti bastady.
Seısenbi kúngi sońǵy oıynda Marat Adryshevtiń shákirtteri ótken jylǵy kúmis júldeger «Pavlodar» komandasymen kezdesti.
Alǵashqy eki kezeńde pavlodarlyqtar 25:16, 25:17 esebimen basym tústi. Alaıda budan keıin «Jetisý» jınaqy oınap, kambek jasaı bildi – 25:16, 25:23, 15:11. Qorytyndy esep – 3:2.
Osylaısha, upaı sanyn 26-ǵa jetkizgen taldyqorǵandyqtar týrnır kestesindegi úshinshi ornyn saqtap qaldy.
Sársenbi kúni «Býrevestnık» - «Jaıyq», «Esil» (SQO) – «Ushqyn-Kókshetaý», «Atyraý» - «Aqtóbe», «Taraz» - «Jetisý» komandalary ózara sheberlik baıqasady.
Eske sala keteıik, budan buryn Taldyqorǵanda voleıboldan Qazaqstan chempıonatynyń úshinshi týry bastalatynyn jazǵan edik.
«Býrevestnık» tartysty matchta «Aqtóbeni» utty.
«Jaıyq» jeńis serııasyn 11 matchqa jetkizdi.
