Voleıbol: «Jetisý» álemdegi úzdik bes klýbtyń qataryna kirdi

ASTANA. KAZINFORM — Voleıboldan áıelder arasynda Qazaqstannyń toǵyz dúrkin chempıony, bıylǵy Azııa chempıondar lıgasynyń jeńimpazy, taldyqorǵandyq «Jetisý» 2025 jyldyń qorytyndysymen álemdegi úzdikter qataryna ilikti. 

Volleybox.net qurastyrǵan reıtıng boıynsha taldyqorǵandyq komanda 105 upaımen jýyrda aıaqtalǵan klýbtyq álem chempıonatynyń qola júldegeri, brazılııalyq «Ozaskýmen» tórtinshi oryndy bólisti.

Eýropa chempıondar lıgasynyń jeńimpazy, ıtalııalyq «Konelıano» klýby 177 upaımen kósh bastady. Al «Konelıanony» San-Paýlý qalasynda ótken klýbtyq álem chempıonatynyń fınalynda jeńgen taǵy bir ıtalııalyq «Skandıchchı» komandasy 148 upaımen ekinshi orynǵa ıe boldy.

2025 jyldyń qorytyndysymen Volleybox joramaly boıynsha TOP-10-ǵa kirgen komandalar:

1. «Konelıano» (Italııa) — 177 upaı,

2. «Skandıchıı» (Italııa) — 148 upaı,

3. «Praııa» (Brazılııa) — 131 upaı,

4. «Jetisý» (Qazaqstan) — 105 upaı,

4. «Ozaský» (Brazılııa) — 105 upaı,

6. «Fenerbahche» (Túrkııa) — 99.75 upaı,

7. «Mılan» (Italııa) — 99.50 upaı,

8. «Vakyfbank» (Túrkııa) — 97.50 upaı,

9. «Jeshýv» (Polsha) — 89.75 upaı,

10. «Alıansa» (Perý) — 89 upaı.

Serbııalyq maman Marko Grshıch jattyqtyratyn «Jetisý» Azııa chempıondar lıgasyndaǵy jeńisi úshin 50, Qazaqstan kýbogyn utyp alǵany úshin 12, Qazaqstan chempıondyǵy úshin 20, sýperkýbokqa ıe bolǵany úshin 5 jáne klýbtyq álem chempıonatyna qatysqany úshin 18 upaı alǵan.

Eske sala keteıik, budan buryn voleıboldan álem chempıonatynda «Jetisýdyń alǵashqy upaıyna qol jetkizgenin jazǵan edik.