Voleıbol: jetisýlyq qyzdar el chempıony atandy
ALMATY. 25 sáýir. QazAqparat /Erlik Erjanuly/ - Taldyqorǵandaǵy «Jastar» sport sapraıynda 19-24 sáýir kúnderi voleıboldan Ulttyq lıgadaǵy áıelder komandalary arasynda HІH Qazaqstan chempıonatynyń sońǵy 6-týry ótti.
Onda Almaty oblysynyń «Jetisý» komandasy 59 upaımen el chempıony atandy. Kúmis jáne qola júldeni 49 upaıdan jınaǵan Pavlodar oblysynyń «Ertis-Qazhrom» men Qaraǵandy oblysynyń «Qaraǵandy» komandalary bólisti. Al týrnır kestesiniń 2-jartysyndaǵy ózge komandalardan «Astana» - 45 upaı, «Almaty» - 36 upaı, «Metallýrg AMT» (Temirtaý qalasy) - 32 upaı jınap 4-6 orynǵa taban tiredi. Jarys qarytyndysynda «Jetisýdan» Olga Drobyshevskaıa, «Almatydan» Lıýdmıla Isaeva, «Qaraǵandydan» Radmıla Beresneva «Ertis-Qazhromnan» Elena Ezaý, «Astanadan» Olga Grýshko, «Metallýrg AMT-dan» Ekaterına Akılova úzdik oıynshy dep tanyldy.
