Voleıbol: "Jetisý" komandasy jeńilip qaldy
ALMATY. 10 aqpan. QazAqparat /Erlik Erjanuly/ - Pavlodarda voleıboldan Ulttyq lıgadaǵy áıelder komandalary arasynda HІH Qazaqstan chempıonatynyń 3-týr oıyndary asa tartysty ótip jatyr.
Onda alǵashqy 2 týrda barlyq qarsylastarynan basym túsip 20 upaımen kósh bastaǵan Almaty oblysynyń "Jetisý" komandasy keshe alǵash ret jeńilistiń aşy dámin tatty. Olar týrnır kestesinde 17 upaımen 2-orynda kele jatqan Pavlodar oblysynyń "Ertis-Qazhromyna" 2:3 esebimen ese jiberdi. Jarys qojaıyndary aldyńǵy kúni "almatylyqtardy" (3:1) qapy qaldyrǵan bolatyn. Bul týrnırde ázirge pavlodarlyqtardan basqa 15 upaımen úztik úshtikti túıindep turǵan Qaraǵandy oblysynyń "Qaraǵandy" komandasy ǵana jeńilissiz kele jatyr. Olar "Astananadan" 3:2, al "Almatydan" 3:1 esebimen basym tústi. Búgin endi "Astana" men "Almaty", "Qaraǵandy" men "Jetisý", "Ertis-Qazhrom" men "Metallýrg AMT" (Temirtaý) ózara kúsh synasady.
