Voleıbol: "Jetisý" komandasy kósh tizginin berer emes
ALMATY. 14 aqpan. QazAqparat /Erlik Erjanuly/ - Aqpannyń 8-13 kúnderi Pavlodarda voleıboldan áıelder arasynda Ulttyq lıgada HІH Qazaqstan chempıonatynyń 3-týr oıyndary ótti.
Onda múmkin bolǵan 10 upaıdyń 9-yn óz qorjynyna salǵan Almaty oblysynyń «Jetisý» komandasy 29 upaımen týrnır kestesinde kóshbasshylyq tizgindi saqtap qaldy. Alǵashqy 2 týrda jeńilistiń aşy dámin tatpaǵan «jetisýlyqtar» 9 aqpanda Pavlodar oblysynyń «Ertis-Qazhromyna» ǵana 2:3 esebimen ese jibergen bolatyn. 3-týrda týrnır kestesinde eshqandaı ózgeris bolǵan joq. 24 upaımen úzdik úshtikti túıindegen Qaraǵandy oblysynyń voleıbolshylary («Qaraǵandy») «Ertis-Qazhrommen» aradaǵy upaı aıyrmashylyǵyn 1 upaıǵa deıin qysqarta aldy. Al 4-6 oryndarda kele jatqan astanalyqtarda 22 upaı, almatylyqtarda 20 upaı jáne Temirtaýdyń «Metallýrg AMT» komandasynda 15 upaı bar. Jalpy, el chempıonatynyń kelesi týry endi 5-10 naýryz kúnderi Qaraǵandyda ótetin bolady.
