Voleıbol: "Jetisý" komandasy kósh bastap keledi
ALMATY. 31 naýryz. QazAqparat /Erlik Erjanuly/ - Voleıboldan Ulttyq lıgadaǵy áıelder komandalary arasynda Astanada ótip jatqan HІH Qazaqstan chempıonatynyń 5-týr oıyndarynda Almaty oblysynyń «Jetisý» komandasy ǵana jeńilissiz keledi.
Alǵashqy 3 kúnniń qorytyndysy boıynsha olar negizgi qarsylastaryn utyp, týrnır kestesinde kóshbasshylyq tizgindi bıyl eshkimge bermeıtinin taǵy da dáleldedi. Buǵan deıingi týrlarda «Jetisý» - 39, «Ertis-Qazhrom» men «Qaraǵandy» -33, «Astana» - 29, «Almaty» -25, al «Metallýrg AMT» - 21 upaı jınaǵan edi. Bul týrda jetisýlyqtarmen bolǵan oıynda olardy ókshelep kele jatqan Pavlodar, Qaraǵandy oblystarynyń komandasy birde-bir upaı ala almady. Búgin komandalar tynyǵyp, ertiń jarysty odan ary jalǵastyrady. Onda «Metallýrg AMT» men «Almaty», «Ertis-Qazhrom» men «Qaraǵandy», «Jetisý» men «Astana», al arǵy kúni «Almaty» men «Jetisý», - «Qaraǵandy» men «Metallýrg AMT», «Astana» men «Ertis-Qazhrom» synǵa túsedi.
