Voleıbol: «Jaıyq» jeńis serııasyn 11 matchqa jetkizdi
TALDYQORǴAN. KAZINFORM — Taldyqorǵan qalasynda voleıboldan erlerdiń ulttyq lıga komandalary arasynda Qazaqstan chempıonatynyń úshinshi týrynda «Jaıyq» pen «Taraz» ózara myqtyny anyqtady.
Vıktor Kozık jattyqtyratyn oraldyqtar on match boıy jeńilmeı, 31 upaımen jeke-dara kósh bastap kele jatsa, ótken jylǵy el chempıony «Taraz» (bas bapkeri ıÝrıı Bashkatov) 7-satyda ǵana turǵan-dy.
Bul básekede «Jaıyq», «Taraz» da tájirıbeli oıynshylaryna senim artty.
Birinshi kezeńde esep 16:16 bolǵannan keıin batysqazaqstandyqtar alǵa shyǵyp, kúsh alyp ketti — 25:20.
Ekinshi partııada «Jaıyq» birden basymdylyq tanytty — 25:20.
Úshinshi set barysynda «Taraz» 18:15 esebimen alǵa ketkenimen, V.Kozık shákirtteri tarazy basyn teńestire bildi — 18:18. Match Vıtalıı Erdshteınniń eısimen aıaqtaldy — 28:26. Qorytyndy esep — 3:0.
Osylaısha, «Jaıyq» jeńis serııasyn 11-ge jetkizdi.
Eske sala keteıik, budan buryn Taldyqorǵanda voleıboldan Qazaqstan chempıonatynyń úshinshi týry bastalatynyn jazǵan edik.
«Býrevestnık» tartysty matchta «Aqtóbeni» utty.