Voleıbol: «Jaıyq» komandasy «Býrevestnıkten» basym tústi

ASTANA. KAZINFORM – Taldyqorǵan qalasynda voleıboldan erlerdiń ulttyq lıga komandalary arasynda ótip jatqan Qazaqstan chempıonatynyń úshinshi týrynda «Jaıyq» pen «Býrevestnık» (Almaty) kezdesti. 

Almatylyqtardy kezinde sporttyq mansabyn Oralda aıaqtap, «Kondensattyń» bas bapkeri bolǵan Igor Nıkolchenkonyń jattyqtyrady. Sondaı-aq «Býrevestnık» quramynda Oral voleıbolynyń túlegi, lıbero Qaırat Baıbekov óner kórsetedi. 

Al Vıktor Kozık baptaıtyn «Jaıyqtyń» negizgi quramynda jergilikti oıynshylardan komanda kapıtany Vıtalıı Vorıvodın men Vladımır Prokofev bar. 

Bul básekede jeńiske jetken jaǵdaıda almatylyqtar alǵashqy úshtikke ener edi. Birinshi kezeńde oraldyqtar 25:18 esebimen basym tústi. Ekinshisinde «Býrevestnık» ese qaıyrdy – 26:24. Biraq budan keıin «Jaıyq» des bermedi – 25:14, 25:16. Qorytyndy esep – 3:1.

Aıta keteıik, qatarynan 12 kezdesýin jeńispen aıaqtap, upaı sanyn 37-ge jetkizgen «Jaıyq» klýby kósh basynda tur. 

Eske salsaq, budan buryn «Jetisý» kambek jasap, «Pavlodardy» jeńgenin jazǵan bolatynbyz.