Voleıbol: «Jaıyq» el chempıony «Tarazdy» tize búktirdi

ATYRAÝ. KAZINFORM — Atyraý qalasynda voleıboldan erlerdiń ulttyq lıga komandalary arasynda ótip jatqan HHHІІІ Qazaqstan chempıonatynyń birinshi týrynda «Taraz» ben «Jaıyq» (Oral) ózara kezdesti.

ıÝrıı Bashkatov jattyqtyratyn tarazdyqtar ótken birinshilikte el chempıony atansa, júldege talasýdan tys qalǵan oraldyqtar besinshi oryndy mise tutqan edi.

Jańa maýsymda «Taraz» kósh bastaýshylardyń biri bolsa, Vıktor Kozıktiń shákirtteri sońǵy eki oıynda ǵana qatarynan jeńiske jetken-di. 

Bul joly birinshi partııa barysynda tarazdyqtar sál basymdylyq tanytqanymen, oraldyqtar báseke tizginin qolyna ala bildi – 25:20.

Oral voleıbolynyń túlekteri, komanda kapıtany Vıtalıı Vorıvodın, Vladımır Prokofev, sondaı-aq Vıtalıı Erdshteın, Borıs Kempa, Sergeı Okýnev (lıbero), reseılik Mıhaıl Morov, ýkraınalyq Volodımır Kovalchýk (baılanystyrýshy) ekinshi sette birden alǵa shyǵyp, jeńistik bergen joq – 25:18.

«Jaıyq» úshinshi kezeńde de 12:7 esebimen alǵa ketkenimen, Jaqsylyq Tileýlın bastaǵan tarazdyqtardyń basyp ozýyna múmkindik berip qoıdy. Degenmen oraldyqtar ekinshi matchbolyn qur jibergen joq – 28:26.

Osylaısha, 10 upaı jınaǵan «Jaıyq» týrnır kestesinde úzdik úshtikke ilindi. 

Búgin sondaı-aq sýperkýbok ıegeri «Aqtóbe» Almatynyń «Býrevestnıgin» 3:0 (25:21, 25:20, 25:16) esebimen qapy qaldyryp, 10 upaımen ekinshi orynǵa kóterildi. Tórtinshi satydaǵy «Tarazdyń» da qorjynynda 10 upaı bar.

Eske sala keteıik, budan buryn voleıboldan Qazaqstan chempıonatynda «Jetisý» kósh bastap kele jatqanyn jazǵan bolatynbyz.