Voleıbol: Jastar arasyndaǵy XV Azııa chempıonatynda qazaqstandyqtar dárejelik matchty sátti ótkizdi
ALMATY. Qazannyń 7-si. QazAqparat /Erlik Erjanuly/ - Voleıboldan Taılandtyń Nahonpatom jáne Ratchabýrı qalalarynda ótip jatqan jastar arasyndaǵy erler komandalarynyń XV Azııa chempıonatynda keshe qazaqstandyqtar Jańa Zelandııa quramasyn oısyrata utty,
dep habarlaıdy QazAqparat QR Voleıbol federatsııasyna silteme jasap.
Qazannyń 1-i kúni jalaýyn kótergen bul jarystyń aqtyq oıyndary senbi kúni ótedi. Gennadıı Parshınniń tálimgerleri alǵashqy kezeńde Qytaı (3:2) men Koreıa (3:2) quramalaryna ese jiberip, Vetnam elinen kelgen qurdastaryn (0:3) aıqyn basymdyqpen utty. Al 5-6-sy kúnderi dárejelik matchta Maldıvy (25-9, 25-12, 25-14) men Jańa Zelandııa (25-17, 25-14, 25-19) voleıbolshylaryn oısyrata jeńdi. Búgin 1-8-shi oryndar úshin talasatyn komandalar shırek fınaldyq oıyndaryn ótkizetin bolsa, 9-16-shy oryn úshin talasatyn komandalar tynyǵyp jatyr. Qazaqstandyqtar endi osy ekinshi topta óner kórsetetin bolady.
