Voleıbol: XV Azııa chempıonatynda qazaqstandyqtar 11-inshi oryn aldy
ALMATY. Qazannyń 11-i. QazAqparat /Erlik Erjanuly/ - Ótken senbi kúni Taılandtyń Nahonpatom jáne Ratchabýrı qalalarynda voleıboldan jastar arasyndaǵy erler komandalarynyń XV Azııa chempıonaty óz máresine jetti.
Gennadıı Parshın jattyqtyratyn Qazaqstan quramasy úzdik ondyqqa kirýge múmkindik beretin 9-10-ynshy oryn úshin bolǵan jartylaı fınalda ındonezııalyqtarǵa 2:3 esebimen ese jiberdi. Odan keıin vetnamdyqtardy 3:0 esebimen utyp 11 oryndy qanaǵat tutty. Qazannyń 1-i kúni jalaýyn kótergen bul jarysqa Azııanyń 16 eli qatysqan bolatyn. Azııa chempıonatynda úzdik úshtikke engen Japonııa, Qytaı jáne Úndistan sportshylary endi 2011 jyly Brazılııada ótetin Álem chempıonatyna qatysatyn bolady.
