Voleıbol: Ulttyq lıgadaǵy el chempıonatynyń kezeńinde almatylyq jigitter hromtaýlyqtarǵa oısyraı utyldy
ALMATY. 30 naýryz. QazAqparat - Voleıboldan Ulttyq lıgadaǵy HHІ Qazaqstan chempıonatynyń 5-shi týryndaǵy alǵashqy oıynda almatylyq jigitter óz alańynda hromtaýlyqtarǵa upaı aıyrmasyn 2-ge deıin qysqartýǵa múmkindik berip qoıdy.
Týrnır kestesinde 25 oıynnan keıin 55 upaımen kósh bastaǵan «Almaty» 53 upaımen ózin ókshelep kele jatqan basty qarsylasynan osymen 3-shi ret jeńilis taýyp otyr. Buǵan deıin olar eki ret 2:3 bolyp jeńilip, eki ret 3:2 esebimen basym túsken bolatyn. Eger basqa komandalardyń bir oıyny artyq ekenin eskeretin bolsaq almatylyqtardyń upaı aıyrmasyn ulǵaıtýǵa áli de múmkindigi mol.
Búgin olar óskemendiktermen («Shyǵys-QorǵasynQurylys»), erteń «atyraýlyqtarmen», seısenbide qyzyljarlyqtarmen («Esil»), sársenbide oraldyqtarmen («Kondensat»), beısenbide «pavlodarlyqtarmen» kezdesetin bolady. Buǵan deıin olar Óskemen men Qyzyljar komandalaryn tórt ret, Atyraý, Pavlodar men Oral voleıbolshylaryn úsh ret utqan bolatyn. Qazir «Kondensatta» - 47, «Pavlodarda» - 40, «Atyraýda» - 39, «Esilde» - 20, «Shyǵys-QorǵasynQurylysta» - 16 upaı bar.
