Voleıbol: Ulttyq lıgadaǵy áıelder komandalary arasyndaǵy el chempıonatynyń 3-týry aıaqtaldy
ALMATY. 23 qańtar. QazAqparat /Erlik Erjanuly/ - Astanada 15-22 qańtar kúnderi voleıboldan Ulttyq lıgadaǵy áıelder komandalary arasynda HH Qazaqstan chempıonatynyń 3-týr oıyndary ótti.
Onda upaı qoryn 54-ke deıin jetkizgen Almaty oblysynyń «Jetisý» komandasy týrnır kestesindegi kóshbasshylyq tizgindi óz qolyna berik ustaýda. Al óz alańynda Pavlodar oblysynyń «Ertis-Qazhrom» komandasyn qýyp jetip, basyp ozǵan «Astana» voleıbolshylary 39-upaımen ekinshi orynǵa shyqty. Olardyń upaı aıyrmashylyǵy 7 upaıdy quraýda. Al ózge komandalardyń qorjynynda Qaraǵandy oblysynyń («Qaraǵandy») voleıbolshylarynda - 25, almatylyqtarda («Almaty») -20, temirtaýlyqtarda («MetallýrgAMT») -13, óskemendikterde («Shyǵys-QorǵasynQurylys») - 6 upaı bar. El chempıonatynyń 4-týryn endi pavlodarlyqtar 20-27 aqpanda óz alańynda qabyldaıdy.
