Voleıbol: Ulttyq lıgadaǵy áıelder komandalary arasyndaǵy 3-shi týrda almatylyqtar kósh sońyna syrǵydy
ALMATY. 28 qańtar. QazAqparat - Almatylyq voleıbolshylar Shýchınsk qalasynda Ulttyq lıgadaǵy áıelder komandalary arasynda ótip jatqan HHІ Qazaqstan chempıonatynyń 3-shi týryndaǵy 3-shi kezdesýinde qaıtadan sońǵy orynǵa túsip qaldy.
"Almaty" men "Qaraǵandy» arasyndaǵy bul kezdesý 0:3 esebimen aıaqtaldy. Alǵashqy týrda 3:0 esebimen basym túsken almatylyqtar, ekinshi týrda jibergen (1:3) esesin qaıtara almady. Almatylyqtardy oısyrata utyp (25-20, 25-23, 25-13) 3 upaı oljalaǵan qaraǵandylyqtar 11 upaımen týrnırdiń 4-shi satysyna qaıta kóterildi. Bir oıyny kem olar endi almatylyqtardy jetkizbeı ketýge múmkindigi bar. Qaraǵandylyqtar búgin týrnır kestesinde kósh bastap kele jatqan Taldyqorǵannyń «Jetisý», al erteń ekinish satyda turǵan «Astana» voleıbolshylarymen kúsh synaspaq. Qaraǵandylyqtar bul eki oıynda jeńilis tapsa da, almatylyqtar el chempıonatynda 2011 jyldan beri jeńilissiz kele jatqan taldyqorǵandyqtarmen bolatyn aqyrǵy kezdesýinde 3 upaı oljalaýǵa dármeni jetpeıtin tárizdi.
