Voleıbol: Ulttyq lıgadaǵy 2-týr oıyndarynda "Jetisý" komandasy kósh basyndaǵy ornyn saqtap qaldy
ALMATY. 17 qańtar. QazAqparat /Erlik Erjanuly/ - Keshe Almatyda voleıboldan Ulttyq lıgadaǵy erler komandalary arasynda HІH Qazaqstan chempıonatynyń 2-týry aıaqtaldy.
Qańtardyń 11-i kúni Oktıabr Jarylǵapov atyndaǵy sport kesheninde jalaýyn kótergen bul jarysta Almaty oblysynyń «Jetisý» komandasy barlyq qarsylastaryn 3:0 esebimen oısyrata utyp, upaı qoryn 20-ǵa jetkizdi. Olar birinshi týrda da 10 upaı jınap, týrnır kestesinde kósh bastaǵan bolatyn. Al úzdik úshtiktegi Qaraǵandy oblysynyń «Qaraǵandy» jáne Pavlodar oblysynyń «Ertis-Qazhrom» komandalary bul joly oryn almastyrdy. Sondaı-aq alǵashqy týrda 4-5-oryndy bólisken «Almaty» men Astana» komandalary da oryn almastyrdy. Qazir «Jetisýda» - 20, Ertis-Qazhromda» -17, «Qaraǵandyda» - 15, «Astana» men Almatyda - 14, al temirtaýdyń «Metalýrg AMT» komandasynda 10 upaı bar. El chempıonatynyń 3-týr oıyndary endi 7-13 aqpanda Pavlodarda ótetin bolady.
