Voleıbol: Ulttyq qurama Álem chempıonaty qarsańyndaǵy sońǵy oqý-jattyǵý jıynyn aıaqtady
ALMATY. Qazannyń 18-i. QazAqparat /Erlik Erjanuly/ - Erteń Qazaqstan ulttyq quramasy áıelder arasyndaǵy Álem chempıonatyna qatysý úshin Japonııaǵa attanady. Bul búgin Almatyda komanda músheleri men QR Voleıbol federatsııasy basshylarynyń qatysýmen ótken basqosýda aıtyldy.
Qurama qazannyń 12-17-si kúnderi Almatyda sońǵy oqý jattyǵý jıynyn ótkizgen bolatyn. Bas bapker Nellı Şerbakovanyń aıtýynsha, bul dúbirli dodaǵa negizgi quramdaǵy 2 oıynshy qatysa almaıdy. Bul aıtarlyqtaı qıyndyq bolǵanymen, ár oıynshyǵa barynsha óz kúshin jumyldyryp, qandaı qıyndyq bolsa da ony eńserýge jigerlendiredi. Bul dúbirli dodada el namysyn 14 sportshy qorǵaıdy. Olar - Sana Jarlaǵasova, Natalıa Jýkova, Olga Nasedkına, Korınna Ishımtseva, Olesıa Arslanova, Elena Ezaý, Marına Storojenko, ıÝlııa Kýtsko, Irına Zaıtseva, Inna Matveeva, Lıýdmıla Anarbaeva, Olga Drobyshevskaıa, Irına Lýkomskaıa men Alena Omelchenko.
"Sporttyq qoǵamdastyqtardyń ishinde músheleri eń kóp uıym Halyqaralyq voleıbol federatsııasy. Ol 281 ulttyq federatsııanyń basyn biriktiredi. Sporttyń bul túrin belsendi oınap júrgender 70 el ǵana, al qalǵan 150-den astam memlekette bul sport endi ǵana damyp kele jatyr. Jalpy Halyqaralyq voleıbol federatsııasyna múshe elder 5 sanatqa jikteledi. Qazaqstan onyń 4-sine kiredi", deıdi QR Voleıbol federatsııasynyń Bas hatshysyErmek Syrlybaev.
