Voleıbol: Tarazda Ulttyq lıga oıyndary keıinge qaldy

Taraz qalasynda erlerdiń Ulttyq lıga komandalary arasynda HHHІІ Qazaqstan chempıonaty ekinshi týrynyń oıyndary keıinge qaldyryldy, dep habarlaıdy Kazinform.

Qazaqstan voleıbol federatsııasynan málim etkenindeı, óńirdegi kúnniń sýyqtyǵy ekinshi týr kestesine áser etti.

«Taraz Arena» sport keshenindegi jylý deńgeıi jarysty ótkizý talaptaryna sáıkes kelmegendikten, sársenbi kúni oıyndardy jumaǵa aýystyrý týraly sheshim qabyldandy. Tipti týrdy kelesi jylǵa jyljytý máselesi de talqylandy.

Atalmysh sport kesheni daıyn bolmaǵandyqtan, matchtar juma kúni de ótpeı, senbige qaldyryldy.

Bul týrda 12 jeltoqsan kúngi kezdesýler ǵana oınaldy. Onda «Esil» (SQO) «Ushqyn-Kókshetaýdy» 3:0 esebimen utsa, «Býrevestnık-Almaty» «Aqtóbeni» tize búktirdi (3:2).

«Pavlodar» «Atyraýdan» (3:0) basym tússe, «Taraz» «Jetisý Jastaryn» (3:0) jeńdi.
Týrnır kestesinde «Taraz» 20 upaımen kósh bastasa, «Pavlodar» ázirge (17) ekinshi, «Jaıyq» (15) úshinshi orynda tur.

«Alǵashqy kúni oıynǵa qatysqanymyz joq. Odan keıin eki básekemiz keıinge qaldyryldy. Senbi kúni bastalady dep otyrmyz», dedi «Jaıyq» voleıbol klýbynyń dırektory Azamat Nurmuhanbetov.

Eske sala keteıik, budan buryn "Jaıyq" voleıbol klýby júldeli oryndarǵa talasa ala ma, sony jazǵan bolatynbyz.