VOLEIBOL: «Taraz» jeńilissiz jolyn jalǵastyryp keledi
ASTANA. QazAqparat - Pavlodar qalasynda voleıboldan erlerdiń ulttyq lıga komandalary arasynda el birinshiligi ekinshi úlken týrynyń oıyndary márege jetti.
Qazaqstan voleıbol federatsııasynyń saıtynan alynǵan málimetke qaraǵanda, bul joly da qarsylastarynyń bárin utqan «Taraz» komandasy upaı sanyn 39-ǵa jetkizip, kóshbasshylyq jaǵdaıyn nyǵaıtty. Al óz alańynda oınaǵan «Pavlodar» 29 upaımen ekinshi ornyn saqtap qaldy. Ótken jylǵy el chempıony «Almaty» Hromtaýdyń «TNK «Kazhrom» komandasyn qýyp jetse, «Atyraý» odan bir upaı qalyp keledi. Sondaı-aq, «Kondensat-Jaıyqmunaı» men óskemendik «ShyǵysQorǵasynQurylystyń» enshisinde de 18 upaıdan bar. Al «Petropavldyń «Esili» nebári eki-aq upaımen kósh sońynda keledi. Týrdyń qorytyndysy boıynsha ár komandadan úzdik oıynshylar da anyqtaldy. Kelesi úlken týr oıyndary 11-17 aqpanda ótedi.
