Voleıbol: «Taraz» Almatynyń «Býrevestnıgin» qapy qaldyrdy

TALDYQORǴAN. KAZINFORM — Taldyqorǵan qalasynda voleıboldan erlerdiń ulttyq lıga komandalary arasynda ótip jatqan Qazaqstan chempıonatynyń úshinshi týrynda «Taraz» pen «Býrevestnık» alańǵa shyqty.

Almatylyqtar osyǵan deıin qatarynan úsh kezdesýinde jeńiske jetken edi.

Al ótken jylǵy el chempıony «Taraz» osy maýsymdy sátsiz ótkizip keledi.

Bul joly tarazdyqtar qarsylasyn 3:1 (25:23, 25:20, 21:25, 2519) esebimen qapy qaldyrdy.

Sóıtip, «Taraz» alǵashqy úshtikke engen komandalarmen áli de taıtalasa alatyndyǵyn tanytty.

Kósh basyndaǵy Oraldyń «Jaıyǵy» eń sońǵy oryndaǵy «Ushqyn-Kókshetaýdy» 3:0 (25:13, 25:17, 25:14) esebimen tize búktirip, upaı sanyn 46-ǵa jetkizdi.

Eske sala keteıik, budan buryn «Atyraýdyń» Taldyqorǵanda «Jetisý» komandasyn tize búktirgenin jazǵan bolatynbyz.