Voleıbol: Sońǵy týr aldynda «Qýanysh» komandasy úzdik úshtikti túıindep tur

PETROPAVL. KAZINFORM — Petropavl qalasynda voleıboldan áıelderdiń ulttyq lıga komandalary arasynda Qazaqstan chempıonaty úshinshi týrynyń oıyndary aıaqtaldy.

«Qýanysh» komandasy (SQO) óz alańynda ótken týrda kósh basyndaǵy «Jetisýǵa» (Taldyqorǵan) ǵana 1:3 esebimen ese jiberdi.

Azamat Esimovtiń shákirtteri qalǵan kezdesýlerin jeńispen aıaqtady. Olarǵa sońǵy oıynda Pavlodardyń «Ertisin» utý qıynǵa túsken joq — 3:0 (25:17, 25:10, 25:12).
Osylaısha, «Qýanysh» týr qorytyndysynda 49 upaımen úzdik úshtikti túıindedi.

Taldyqorǵandyqtar 58 upaımen kósh basyna shyqsa, «Berel» (Óskemen) ekinshi orynǵa turaqtady.

Ótken jylǵy el chempıony «Turan» (Túrkistan) tórtinshi satyǵa taban tiredi.

Qazaqstan chempıonatynyń tórtinshi, sońǵy týry naýryz aıynda Taldyqorǵan qalasynda ótedi. 

Osyǵan deıin on match qatarynan jeńiske jetken «Jetisý» óz alańynda eshkimge ese jibermeýge tyrysatyny anyq.

Úzdik segizdikke ilikken komandalar pleı-off kezeńine joldama alady.

Eske sala keteıik, budan buryn voleıboldan «Turan» komandasynyń úshinshi týrdy tórtinshi orynmen aıaqtaǵanyn jazǵan edik.

Voleıboldan Qazaqstan chempıonatynda «Jetisý» kósh bastady.