Voleıbol: Semeılikter kósh bastap keledi
ALMATY. 24 naýryz. QazAqparat /Erlik Erjanuly/ - Temirtaýda 15-21 naýryz kúnderi voleıboldan Joǵary lıganyń B tobyndaǵy erler komandalary arasynda HІH Qazaqstan chempıonatynyń 4-týry ótti.
Onda semeılik sportshylar bul joly upaı qoryn 56-dan 74-ke deıin ulǵaıtyp kóshbasshylyq tizgindi bıyl eshkimge ustatpaıtynyn taǵy da dáleldedi. Óskemenniń «Shyǵys-QorǵasynQurylys-2» komandasy semeılikterden 11, Tarazdyń «TarMÝ» komandasy - 13, Hromtaýdyń «TNK Qazhrom-2» komandasy - 27 upaıǵa artta kele jatyr. Al týrnır kestesiniń ekinshi jartysyndaǵy komandalar arasynda 4-týrda birshama ózgeris boldy. Atap aıtqanda, Temirtaýdyń «VSMK-Arselormıttaly» men «Astana» voleıbolshylary óz ornyn Qyzylordanyń «Qorqyt-Ata KMÝ» men Qostanaıdyń «KınEÝ» komandalaryna bosatty. Qazir óz qorjyndaryna «Qorkyt-Ata KMÝ» - 36, «VSMK- Arselormıttal» - 35, «KınEÝ» -1, «Astana» - 9 upaı ǵana jınap otyr. El chempıonatynyń kelesi týry 14-20 sáýir kúnderi Tarazda ótetin bolady.
