Voleıbol oıynyn kórgisi kelgen áıel túrmege qamaldy
ASTANA. QazAqparat - Tegi Irannan shyqqan brıtanııalyq áıel voleıbol oıynyn kórgeni úshin 2 aıǵa túrmege qamaldy, dep habarlady Independent.
Iran men Italııanyń erler quramasy oınaǵan stadıonǵa bir top qyzben kirmek bolǵan 25 jastaǵy Goncheh Gavamı tutqyndaldy. Match 20 maýsymda ótken. Birazdan soń ony bosatqan, alaıda jeke zattaryn áketý úshin polıtseı ýchaskesine kelgen ol qaıta qamaýǵa alyndy. Bul joly ony Gavamıdi Tegerandaǵy Evın túrmesine jiberdi.
Qamalǵan qyzdyń aǵasy, 28 jastaǵy Iman Gavamı qaryndasy týystaryna habarlasyp, 41 kúnge qamalǵanyn aıtqany týraly málimdedi.
Gavamı - eldegi áıelderge erler arasynda ótetin jarystardy kórýge tyıym salatyn normaǵa qarsylyq bildirip júrgen belgili belsendilerdiń biri. Mundaı zań Iranda Islam revolıýtsııasynan keıin 1979 jyly qabyldanǵan.
Iran polıtsııasynyń bastyǵy Esmaıl Ahmadı Moghadam normaǵa saı áıelderdi stadıonǵa kirgize almaıtynyn aıtty.
Brıtanııalyq bılikke bul jaǵdaı belgili boldy. Olar názik jandyǵa kómektesýdiń amaldaryn izdestirýde. Alaıda olardyń múmkindigi Iranda shekteýli ekenin moıyndady. «Feısbýkte» belsendini qoldaý maqsatynda naýqan bastaldy.
