Voleıbol: Óskemenniń «Shyǵysy» batysqazaqstandyq qyzdardan 3:2 esebimen basym tústi
ORAL. 16 aqpan. QazAqparat - Oral qalasynda voleıboldan joǵary lıganyń «A» tobyndaǵy áıelder komandalary arasynda el birinshiliginiń úshinshi týry alǵasýda.
15 aqpan kúngi qorytyndy kezdesýde atalmysh lıgada kósh bastap kele jatqan Óskemenniń «ShyǵysQorǵasynQurylysy» Oraldyń «Gratsııa-Astana KZ» komandasymen kezdesti. Týrnır kestesinde úshinshi orynda turǵan oraldyqtar «Shyǵysqa» barynsha qarsylyq tanytyp baqty. Oıyn asa tartysty ótip, 3:2 esebimen «Shyǵystyń» paıdasyna sheshildi. Bul kúni sondaı-aq «Qostanaı» (Qostanaı) Pavlodardyń «Ertis-Kazhrom» komandasyn 3:0, al «Spartak AMT» (Temirtaý) «Qaraǵandy-2» (Qaraǵandy) klýbyn 3:1 esebimen jeńdi.
Óskemendikter 17 aqpan kúni ekinshi orynda kele jatqan «Qostanaımen» kúsh synasady. Al batysqazaqstandyqtar qostanaılyqtarmen úshinshi týrdyń sońǵy kúni, 18 aqpanda alańǵa shyǵady.
