Voleıbol: Óskemendikter «Jetisý» komandasynan ese qaıtara ala ma

PETROPAVL. KAZINFORM – Petropavl qalasynda voleıboldan áıelderdiń ulttyq lıga komandalary arasynda ótip jatqan Qazaqstan chempıonatynyń úshinshi týrynda «Berel» (Óskemen) ázirge eshkimge des bermeı keledi.

Rıshat Gılıazýtdınov jattyqtyratyn óskemendikter jeksenbi kúni «Arý-Astana» komandasynan 3:0 (25:19, 25:18, 25:16) esebimen basym tústi.

Osylaısha, «Berel» qatarynan segizinshi kezdesýinde qarsylastaryn qapy qaldyrdy. 

Óskemendikter týrnır kestesinde jeńis sany (19, upaıy – 54) jóninen alda tur. Al «Jetisý» 18 utystan keıin (Taldyqorǵan) 56 upaı jınady.

«Qýanysh» (SQO) óz alańynda «Gratsııa KZ» (Oral) klýbyn 3:0 (25:14, 25:20, 25:5) esebimen tize búktirip, 46 upaımen úzdik úshtikti túıindep tur. 

Dúısenbi kúni úshinshi týrdyń ortalyq kezdesýi «Berel» men «Jetisý» komandalary arasynda ótedi. 9 jeltoqsanda óskemendikter taldyqorǵandyqtarǵa 1:3 esebimen jol bergen edi. Sol oıynda ketken eseni qaıtara ala ma, ony aldaǵy báseke kórsetedi. 

Eske sala keteıik, budan buryn «Turannyń» qatarynan bes kezdesýin jeńispen túıindegenin jazǵan bolatynbyz.