Voleıbol: Óskemendikter men astanalyqtar jeńilissiz keledi
ALMATY. 14 sáýir. QazAqparat /Erlik Erjanuly/ - Óskemende voleıboldan Joǵary lıgadaǵy áıelder komandalary arasynda HІH Qazaqstan chempıonatynyń 5-týry ótip jatyr.
Bul alǵashqy 3 týrdyń qorytyndysy boıynsha týrnır kestesinde altylyqtyń qataryna engenderge 1-6-shy oryndardy, al ózge 4 komanda úshin 7-10-shy oryndy sarapqa salatyn aqtyq kezeń bolmaq. Qazir buǵan deıingi 4 týrdyń qorytyndysy boıynsha 66 upaımen kósh bastap kele jatqan «Shyǵys-QorǵasynQurylys» óz alańyndaǵy kezdesýdiń bárin jeńispen aıaqtaýda. Oǵan 2-3-shi oryndaǵy temirtaýlyqtar («Spartak AMT») 3:2, al qostanaılyqtar («Ivolga») 0:3 esebimen ese jiberdi.
Búgin altylyqtaǵy «Shyǵys-QorǵasynQurylys», «Spartak AMT», «Ivolga», «Gratsııa-KZ» (Oral), «Almaty-TsSKA» (Almaty) men «Qaraǵandy-2»( Qaraǵandy oblysy) bir kúndik demalys aldy. Al 7-10 oryndardaǵy komandalar arasynda «Astana-2» (Astana) men «Jetisý-2» (Almaty oblysy), «Qazhrom» (Pavlodar) men «Qazyǵurt» (Shymkent) jarysty odan ári jalǵastyrýda. Jalpy aınalym júıesi boıynsha ótip jatqan el chempıonaty 16 sáýir kúni óz máresine jetetin bolady.
