Voleıbol: Óskemendikter kósh bastap keledi
ALMATY. 24 aqpan. QazAqparat /Erlik Erjanuly/ - Keshe Astanada voleıboldan Joǵarǵy lıgadaǵy áıelder komandalary arasynda HІH Qazaqstan chempıonatynyń 3-týr oıyndary aıaqtaldy.
Onda alǵashqy bestiktegi Óskemenniń «Shyǵys-QorǵasynQurylys» (51 upaı), Temirtaýdyń «Spartak AMT» (42 upaı), Qostanaıdyń «Ivolga» (40 upaı), Almatynyń «Almaty-TsSKA» (35 upaı), Oraldyń «Gratsııa-KZ» (34 upaı) voleıbolshylary ekinshi bestikten taǵy da qara úzip ketti. Máselen, Qaraǵandy oblysynyń «Qaraǵandy-2» komandasynda - 22, Astananyń «Astana-2» komandasynda - 20, Pavlodardyń «Qazhrom» komandasynda - 19, Shymkenttiń «Qazyǵurt» komandasynda - 4, al Almaty oblysynyń «Jetisý-2» komandasynda - 3 upaı ǵana bar. El chempıonatynyń 4-týr oıyndary 15-20 naýryzda Oralda ótpek. Jalpy aldaǵy syndarda endi quramyna «Qaraǵandy-2» engen alǵashqy altylyq 1-6 oryndar, al ózge 4 komanda 7-10 oryndar úshin talasatyn bolady.
