Voleıbol: Oralda ótken týrda «Atyraý» komandasy jeńimpaz atandy
ORAL. QazAqparat - Keshe Oral men Pavlodar qalalarynda voleıboldan erlerdiń ulttyq lıga komandalary arasynda el chempıonaty tórtinshi kishi týrynyń oıyndary márege jetti.
Oralda «A» tobyndaǵy komandalar arasynda ótken básekede «Atyraý» úzdik óner kórsetti. Olar «Kondensat-Jaıyqmunaı», «TNK «)azhrom», «Esil» (Petropavl) komandalarynyń úsheýin de utyp, toǵyz upaıǵa ıe boldy. Alań ıelerimen «Esildi» jeńgen hromtaýlyqtar alty upaıdy enshiledi. Óz alańynda jigersiz oınaǵan oraldyqtar tek kósh sońyndaǵy petropavldyqtardy ǵana utyp, nebári úsh upaıǵa qol jetkizdi.
Pavlodarda«B» toby komandalary arasynda ótken kishi týrda chempıondyqtan basty úmitker «Taraz» óskemendikterdi utqanymen, alań ıeleri men «Almatydan» jeńilip qaldy. Sóıtip tarazdyqtar bul týrda chempıon atana almady. Degenmen olarǵa Tarazda 20 naýryzda bastalatyn sońǵy, tórtinshi úlken týrda nebári bir oıynda qarsylasyn tize búktirse, jetip jatyr. «Pavlodar» komandasy burynǵysha ekinshi orynda kele jatsa, osy týrdan keıin upaı sanyn 41-ge jetkizgen «Atyraý» úshinshi satyǵa kóterildi. Barlyq júldegerler Tarazdaǵy qorytyndy týrda belgili bolmaq.
