Voleıbol: Oralda «Dostyq» halyqaralyq týrnıri márege jetti
ORAL. QazAqparat - Oralda qala kúnine oraı voleıboldan jasóspirimder arasynda «Dostyq - Drýjba» ІH halyqaralyq týrnır márege jetti, dep habarlaıdy «QazAqparat» tilshisi.
BQO dene shynyqtyrý jáne sport basqarmasynan túsken málimetke qaraǵanda, osymen toǵyzynshy ret uıymdastyrylyp otyrǵan dástúrli jarysqa Qazaqstan men Reseı qalalarynan kelgen komandalar qatysyp, baq synady.
Týrnır qorytyndysynda 2001-2002 jylǵy jasóspirimder arasynda Astana qalasy komandasy jeńimpaz atansa, pavlodarlyqtar - ekinshi, oraldyqtar úshinshi orynǵa ıe boldy. Astanalyq Andreı Lýkıanenko, pavlodarlyq Valerıı Hohlov jáne oraldyq Vladımır Şelokov «Eń úzdik oıynshy» atalymyna ıe boldy.
2004-2005 jylǵy jasóspirimder arasynda Atyraý, Samara jáne Nıjnevartovsk qalasy komandalary júldeli oryndardy bólisti. Jekelegen oıynshylardan atyraýlyq Aıbek Maratov, samaralyq Semen Tomm jáne nıjnevartovskilik Pavel Olısov úzdik shyqty.
